ԴՈՒ ՄԻ ԱՇԽԱՐՀ ԵՍ

Դու մի աշխարհ ես այս մեծ աշխարհում,
Լցված բազմաթիվ հրաշսգործությսմբ,
Եվ մի հրաշք ես ինքդ աշխարհում,
Լցված ծով կյանքի անհագ ցանկությամբ…

Կյանքը ապրում է կարծես քեզանով,
Ծնվում է քեզ հետ նորից ու նորից,
Եվ ամենուրեք լցնում մաքրությամբ,
Ծնվում է կարծես մաքրության սրտից…
Դու մի աշխարհ ես, ուր ամեն անկյուն,
Կարծես լցված է սեր ու ծփանքով,
Քո հոգուց ծնված արևի  շողն է,
Որ տարածվում է ողջ տիեզերքով….
Եվ քո աչքերի խոր տիեզերքում
Մոլորակների տեղատարափ է,
Որոնք դեռ երբեք չեն բացահայտվել,
Աչքերդ դեռևս անհաս գաղտնիք են…
Այս մեծ աշխարհում դու մի աշխարհ ես,
Որն տարածված է անսահմանության
Սահմաններից դուրս։ Եվ այդ աշխարհում
Շողում ես  անվերջ արև աչքերով,
Որոնցում միայն  սերն է մեծ ապրում…